மொழிபெயர்ப்பு

பேரான்மா சில சமயங்களில் மனிதர்களின் நடுவே நடமாடுவதுண்டு. அப்போது மனித ஜீவனின் மேற்பரப்பு நீரோட்டத்தில் இறைவனின் மூச்சோட்டம் மிதந்து செல்லும். பேரான்மா ஓய்வெடுக்கும் சமயங்களும் உண்டு. அப்போது மனிதர்கள் தங்கள் சொந்த அகந்தையின் வலிமையை, அல்லது வலிமையின்மையை, அனுசரித்து செயல்பட வேண்டிய நிலைக்கு விடப்படுவார்கள். முதலாவது காலக்கட்டங்களில் சிறுமுயற்சிகூட பெரும்பலன்களைத் தந்து, ஊழை மாற்றும். இரண்டாவது காலவெளிகளிலோ, சிறுபலனை உருவாக்க ஏராளமான உழைப்பு தேவைப்படும். பின்னது முன்னதை ஆயத்தப்படுத்துகிறது என்பது மெய்யாக இருக்கக்கூடும்.

Turn all things to honey; this is the law of divine living.

அனைத்தையும் தேனாக மாற்று; அதுவே இறைவாழ்வின் சட்டம்.

I am not a Jnani, for I have no knowledge except what God gives me for His work. How am I to know whether what I see be reason or folly ? Nay, it is neither; for the thing seen is simply true and neither folly nor reason.

நான் ஞானி அல்ல. ஏனென்றால் இறைவன் தம் வேலையின் பொருட்டு  எனக்குத் தருவதைத் தவிர வேறு ஞானம் என்னிடம்  இல்லை. நான் காண்பது காரணமா அல்லது முட்டாள்தனமா என்பதை நான் எவ்வாறு அறிவது?   நான் காண்பது உண்மை. அவ்வளவுதான். முட்டாள்தனமோ  அல்லது காரணமோ அல்ல.

When I speak, the reason says, "This will I say"; but God takes the word out of my mouth and the lips say something else at which reason trembles.

நான் பேசும்போது, "நானிதைச்  சொல்வேன்" என்று காரணவாதம் கூறுகிறது; ஆனால் இறைவன் என் வாயிலிருந்து வார்த்தையை எடுத்துவிட, உதடுகள் வேறொன்றைக் கூறுகின்றன. அதைக் கேட்டு காரணவாதம்  நடுங்குகிறது.

Inspiration is a slender river of brightness leaping from a vast and eternal knowledge, it exceeds reason more perfectly than reason exceeds the knowledge of the senses.

அகத்தூண்டல் பரந்த நித்திய ஞானத்திலிருந்து பாயும் மெல்லிய பிரகாசமான நதி. புலனறிவை மீறும் காரணவாதத்தை விட அதிக நேர்த்தியாக  காரணவாதத்தை அகத்தூண்டல் மீறுகிறது.  

There are two allied powers in man; knowledge and wisdom. Knowledge is so much of the truth seen in a distorted medium as the mind arrives at by groping, wisdom what the eye of divine vision sees in the spirit.

ஞானம், விவேகம் என்ற இரு கூட்டணி சக்திகள் மனிதனில் உள்ளன. மனம் எதையும் தட்டுத் தடுமாறி கண்டடைவதால் ஞானம் என்பது சிதைந்த ஊடகத்தின் வழியே காணப்படும் உண்மையே. இறைபார்வை கொண்ட விழி பேரான்மாவில் எதைக் காண்கிறதோ அதுவே விவேகம்.

பார்த்த முதல் கணமே
என் ஜீவனின் தலைவனாகவும்
என் இறைவனாகவும்
நான் அறிந்தவனே!
என் காணிக்கையை ஏற்றுக் கொள்.

என் எண்ணங்கள்
என் உணர்ச்சிகள்
என் இதயத்தின் மிகையுணர்வுகள்
என் புலனுணர்வுகள்
என் வாழ்வின் இயக்கங்கள்
அனைத்தும் நீயே.

என் உடலின்
ஒவ்வொரு அணுவும் நீயே.
என் குருதியின்
ஒவ்வொரு துளியும் நீயே.

நான் முழுமையாக, மொத்தமாக
உனக்கு மட்டுமே உரியவள்.
நான் மிச்சமீதியின்றி
உனக்கு மட்டுமே சொந்தமானவள்.

நான் எதுவாக வேண்டுமென
நீ விருப்புறுதி கொள்கிறாயோ
நான் அதுவாக ஆவேன்.